سوار بر مرکب کلک خیال انگیز،در وادی مداحان و غزلسرایان ترک (به مناسبت ایام فاطمیه)

  کیم گیسه قرا گوینکی واهی یولا گتمز

کیم گیسه قرا گوینکی روحانی نمادی

هم ظاهری هم باطنی بی ریب و ریادی

آزاده دی  چون  وارث  خون  شهدادی

 کیم گیسه قرا گوینکی واهی یولا گتمز

کیم گیسه قرا گوینکی روحانی نمادی

هم ظاهری هم باطنی بی ریب و ریادی

آزاده دی  چون  وارث  خون  شهدادی

هویتی هر رنگیده  هر شکله  بیچیلمز

بد خو صفت انسانلارا عالمده کیچیلمز

کیم گیسه قرا گوینکی عاشقدی ظهوره

فریـاد  چـکر مـرگ  اولا  حـاکم  زوره

ظالملـره  سسلر  کی  گلون  راه  شعوره

قرآن اوخیان حاکم ظلّامه  باش اگمز

قانع اولار اوز حقّینه بیت المالا دگمز

کیم گیسه قرا گوینکی راحت طلب اولماز

باطـل  قاباغیندا  اوجالار  لیک  ییخیلماز

عزّ و شرفین ، نفسینه   عالـمده  اوتوزماز

جرمیندن اولار معرفتی دهریده سنگین

ساده دولانار،سفره سی حاشا اولا رنگین

کیم گیسه  قرا  گوینکی  زهرای  عزیزه

ظلمیله چیخار دهریده هر لحظه ستیزه

زهرانون  آدی  گلدی قلم گچدی گریزه

یـا فاطمه قلبینده  اولان  سوزیوه  قربان

بایرام یئتیشوب غصه لی نوروزیوه قربان

بایرام  گونی   مرسومیدی  تقویمیده  اعلان

انسـان  صله ی رحم  الییر شـاد  و خرامان

همسایه لره گت گل ائدر لحنی خوش الحان

منـزلـده مهیا ائدر  آجیـل و غذاسین

مین شوقیله تعویض الییر کهنه لباسین

القصـه   ولی   وار   خبریم   عصر   زمانی

چوخ عضه لی ترک ایلدی زهرا بو جهانی

دیواریده ، مسماریده   وار  ایندیده  قانی

تاریخ،غم و محنت  دیروزه  دوشوپدی

زهرانون عزاسی گنه نوروزه دوشوپدی

بایرام قاباغی باشلوری زهرانون عزاسی

شیعه اوتانار لیک واری حجب و حیاسی

قاره گیینوب، گیـیمیـجگ  تازه لباسی

زینب عوضیندن گلوب ایوای دییجکلر

ظلمیله ئولن  محسنه  لایلای دییجکلر

نوروز  گونی  یثربی  سن  ایله مجـسم

دفن اولماقا زهرا،دل شب اولدی فراهم

زینب الی باشینده ولی  تاپبادی  مرهم

بایرام گونی سسلندی هچ ائوده محن اولماز

بیز  تعزیه  داروک  بیزه  مهمان  گلن اولماز

دفن اتدی علی گلدی ائوه سینه سی مضطر

ویـردی   الینـی  بیر بیرینه  اتمـدی  بـاور

سسلنـدی  خانم  فاطمه  ای  جـان  پیـمبر

یاننام   بو  غمه  بیلمدیم   آخـر  ندن  ئولدون

غمجی آجیسیندان یاداکی سیلی دن ئولدون

ای   بند  دیلی تز  قیریلان  فاطمه لایلای

اوز حقّینین اوسته ویریلان فاطمه لایلای

سیلی له  قولاغی  جیریلان فاطمه لایلای

ظاهـرده اگر  کوچه ده  سیلی  سنه دگدی

دیسگیندیم اولحظه ائله بیلدیم منه دگدی

یا فاطمه  بایرامدی  ولی  وخدی قوناقین

هر لحظه باخاندا یانرام بوشدی اوطاقین

آخرده  قوجالدار  مـنی بو  درد  فراقین

اوز محنتیوه سن منی یاندیرمادون ئولدون

بیر دفعه منی باری اوتاندیرمادون  ئولدون