سوار بر مرکب کلک خیال انگیز، در وادی غزلسرایان ترک زبان
قيش گئتدي، يئنه باهار گلدي،
گول بيتدي و لاله زار گلدي.
قوشلار هاموسي فغانه دوشدي،
عشق اودي يئنه بو جانه دوشدي.
يئر گئيدي قباي خضرپوشان،
جومله ديله گلدي لب خموشان.
سروين يئنه دوتدي دامنين سو،
سرو اوسته اوخودي فاخته كو-كو.
غنچه دهنين چمنده خندان،
گولمکدن انار آچيلدي دندان.
بولبول اوخودي صفات هيجران،
درياده دور اولدو ابر نئيسان.
دورنا اوچوبان هوايه دوشدي،
لاچين آلوبان اوبايه دوشدي.
آلما آغاجي ديبينده سايه،
طعن ائيلريدي بولود دا آيه…
ياشين يئره تؤکدي ابر نئيسان،
بولبوللر اوخودي صد هزاران.
مئي بسله دي ژاله هر ورقده،
توراج کيتاب اوخور طبقده
“قوم-قوم”، دئر ايدي آغاجدا قومري.
مست اولدي بنؤوشه ايچدي خمري.
شاخ اوسته قاباقلار آسلو حالي،
قو گردنيدن وئرير ميثالي.
قوش بئچچه لري اونو يووادان،
مکتب اوني تک گلير هوادن.
بوياندي زمين هزار رنگه،
اؤوراق شجر ده تنگه-تنگه.
نيلوفر آچيلدي سويا گيردي،
پيراهنيني باشينا بوردي.
چينار اليني چو رقصه آچدي،
گول خرده زرين شاباشه ساچدي.
چايلار بولاندي، ييخدي آرخي،
باغلار آغاجي گؤيرتدي شاخي.
گيلاس آغاجي ديبينده ماهيم،
چون ماه ايدي درميان انجوم.
يوز دورلي قبا گئييب چمنلر،
آغ دونوني گئيدي ياسمنلر.
شاخ اوسته شکوفه ي شجرلر،
موسا اليدن وئريپ خبرلر.
سيراب گولونون گؤزونده آبي،
نرگيس اوتورار باشيندا خوابي.
هر غؤنچه ده وردِ ارغواني.
قومرو گؤزودن وئرير نيشاني.
تا چالمايا دان يئلي تاپانچا،
يوزونه نيقابين اؤرتدو غونچا،
ياشيل چمن اوسته ژاله چين-چين،
اخضر فلک اوسته رشکِ پروين.
سرو ائتدي چمنده سرفرازي،
گول جيلوله نير باشيندا نازي،
چيخميش بوداق اوسته عندليبي،
منبر ده اوخور چمن خطيبي.
سراینده اثر: ختائی
آخرینها از Super User
- درگذشت احياگر موسيقي «فلك» ، صفحه اول روزنامه اعتماد 1402/12/2
- بعثت شادابي حيات - صفحه اول روزنامه اعتماد 1402/11/18
- حضور در تئاتر لیلی و مجنون در تالار وحدت ؛ نمایشی از یعقوب صدیق جمالی
- عکس خوانی دکتر شعردوست (دیپلمات سابق و پژوهشگر آسیای میانه و قفقاز)
- بزرگداشت هشتادوچهارمین سالگرد تولد استاد ساوالان