جمعه, 24 آبان 1392 ساعت 03:30
نئجه‌کی شمع یانیب شعله اطرافه سالار/ یاندیقیجا اریییب دامه‌نینه اشکی آخار
(امام سجاد خطبه سی اموی مسجدینده)
نئجه‌کی شمع یانیب شعله اطرافه سالار
یاندیقیجا اریییب دامه‌نینه اشکی آخار
شعله چکدی اریدی قمنه‌ن او یورغون بالالار (ایمام حوسئینین اسیر بالالاری)
چوخ اسفلی حالا اوْلاری قوصصه سالمیشدی
بیر دری بیرده بدن‌لرده سوموک قالمیشدی
اوْلدو هر ثانیه زهرا قیزینه عاشورا
کربلا‌دان اوْرانیین موحنه‌تینی کم بیلمه
سن روقیه اؤلومون زینبه آز قم بیلمه
او قیزین سیندی آز اوْلدو قمی بی‌حد و حصار
دؤوره‌لردی بالاجا قبرینی لیلا و روباب
زینبین اوْخشاماسی عالمی ائیله‌ردی کاباب:
تاپمادیم جان بالا سؤیله‌ردی علاج اؤلمه‌گیوه
آغلارام گوشه ویرانه‌ده آج اؤلمه‌گیوه...
چوخدو سؤزو یازماغا یوخ فورصتیم ای اهل عزا
بیر گئجه گؤردو خانیم عمه‌سینی زین‌العباد
اوْتوروب نافله‌ئ لیلی ائدیب یئرده ادا
دئدی سن کامله‌سن، عالمه‌سن، محرم راز
نیییه اوْتدوق یئری ائیلیسه‌ن بس ای عمه ناماز
{زینب بیرایمامه باخدی بیر او بالاجا بالالارا باخدی ائله آغلادی}:
خبر آلدین دئدی منده‌ن نییه بو سیرری بالا
قوْیمادون قلبی‌ده‌کی دردیمی قلبیمده قالا
اوچ گونون آجلیغی اوْغلوم منی سالمییش بو حالا
وئریره‌م خیرداجا قیزلارا غذا حیصصه‌میمی
یاتیرام آج دئمیره‌م بیر کسه من قوصصه‌میمی
زینبین قیلدی سؤزو حضرت-ی سجاده اثر
آغلادی ائتدی جمالین لحین؛ گؤز یاشینه تر
دئدی اقدام مؤثر ائده‌رم عمه سحر
سن گره‌ک قارداشووون گؤرمه‌لی قبرین گؤره‌سن
قوْیمارام خیردا باجیم تک بی‌بی آج جان وئره‌سن
ئجه‌کی اوْلدو سحر باشلادی برنامه‌سینی
چوْخ مرتب ائدیب اگنینده اوْلان جامه‌سینی
آچدی سیلدی توْزونو باغلادی عمامه‌سینی
دئدی زهرا قیزینه سید ابنائ بشر:
گئدیره‌م مچیده عمه، گؤروم آللاه نئیله‌ر
ترک ویرانه ائدیب، مچیده اوز قوْیدو ایمام
گؤردو سجادی گئدیر ائیله‌دی زینب‌ده قییام
بار ایلاها دئدی رحم ائیله کؤمک‌سیزدی بالام
بار ایلاها دئدی رحم ائیله کؤمک‌سیزدی بالام
سوْرا اوز توتدو خانیم ایله‌شن عوره‌ت اوشاغا
وئردی فرمان گلین قیز هامی دورسون ایاغا
بیز اوچون راهنمادیر دئدی بو زین‌العبا
نئچه یول قاتیل الینده‌ن بیزی ائیلیبدی رها
گئده‌یین مچیده شاید خطر اوْلدو بالاما
عهد-ی-همت هامیمیز همت ائدیب باغلاشایوق
ووروب اینجیدسه‌له، اطرافین آلیب آغلاشایوق
اموی مچیدی بیر مچیدیدی زیبا و کبیر
روز جومعه ائیدی جماعت دوْلو حضار کثیر
دوْر منبرده شیوخ اموی، پیره‌زنی
وزرا هیات مخصوصیله سولطان پلید
مچیدین شاه‌نشینین‌ده اوْتورموشدو یزید
ناگهان داخیل اوْلوب مچیده فرزند نبی
جنب منبرده جلوس ائتدی شریف علوی
حئیره‌ته دوشدو هامی گؤرجه‌ک اوْ والا نسبی
آچیلیب رمز و ایشاره یوْلو هر مرد و زنه
دئدی‌لر خارجی گلدی نییه بو انجومه‌نه
وقت اوْ وقت اوْلدو چیخیب منبره ناپاک خطیب
جیره‌خوار اموی خودسر و بی‌باک خطیب
پرده شرری خطابیله ائدیب چاک خطیب
قیلدی تعریف ازل نسل ابوسوفیانی
سورا هذیان دانیشیب سب ائله‌دی مولانی
مچیده بیر ملکوتی سس اوجالدی اوْ زامان
توتولوب هرزه خطیبین دیلی، سیندی خفقان
اوْ صدا صاحیبی گفتاره گلیبدیر اوجادان
ای خطیب اموی ساخلا خطابه ادبین
خلقی راضی ائله‌ییب خالقین آلدون غضه‌بین
سورا اوز توتدو یزیده دئدی اوْل میر-ی گرام
اذن وئرسه‌ن منه بو تخته‌نین اوسته چیخارام
روخصه‌ت آلدێاۆتوروب عرشه منبرده ایمام
ذاتی اعلایه فصاحت‌له ائدیب حمد و ثنا
اوْ دانیشدیقجا خانیم عمه‌سی ائیلیردی دوعا
ایها الناس، اوْلون مطلبه آگاه بیلین
بیزه بذل ائیله‌ییب آلتی صیفت آللاه بیلین
یئتدی نی مطله مرتبه و جاه بیلین
ایرثدیر جود و فصاحت‌له شهامت بیزده
واردیر اخلاق و عبادت‌له شوجاعت بیزده
قلبیمین‌ده اوْلان مهر سزاوار بیزیم{؟}
انبیاء زومره‌سینه سید و سالار بیزیم
خلقه‌تین مسخه‌ری پیغمبر-ی مختار بیزیم
حافظ قلعه‌ئ دین حیدر-ی کرار بیزیم
حضرتی حمزه بیزیم، جعفر-ی طیار بیزیم
لیلی اسرا ملکوته گئده‌نین اوْغلو منم
قبله‌تینه اوْکی ائیلیبدی ناماز اوْغلو منم
اوْکی گؤیلرده ائدیب راز و نیاز اوْغلو منم
زمزه‌مین اوْغلو منم، مکه منا اوْغلو منم
مشعرین اوْغلو منم، مروه صفا اوْغلو منم
عرفات اوْغلو منم، غار حرا اوْغلو منم
داد-ی مظلومی آلیب، داد ائده‌نین اوْغلو منم
اوْکی ایکی نئیزه‌یله جهاد ائیلی‌یه‌نین اوْغلو منم
گولشه‌نی کربوبلاده سوْلانین اوْغلو منم
لخته-لخته گؤزونه قان دوْلانین اوْغلو منم
قانلی باشی دالیدان ذبح اوْلانین اوْغلو منم
سوْیولوب کؤینه‌یی عوریان قالانین اوْغلو منم
پئیکه‌ری خاک‌یله یکسان اوْلانین اوْغلو منم
تانی‌یین سیز منی مظلوم آتامین اوْغلو منم
باش وئریب محضره حقه چاتانین اوْغلو منم
قیزلاری چؤلده هراسان یاتانین اوْغلو منم
نئیزه اوستونده باشی داشلانانین اوْغلو منم
اؤلمه‌میش تعزیه‌سی باشلانین اوْغلو منم
خاریجی آدیلا مظلوم اؤله‌نین اوْغلو منم
اؤزو مهمان سوسوز جان وئره‌نین اوْغلو منم
اوزو گو بارماغی الده‌ن گئده‌نین اوْغلو منم
ساربان اللـه‌رینه ال تاپانین اوْغلو منم
سینه‌سی اوسته قوشون آت چاپانین اوْغلو منم
ختم پیغمبره سیز ساخلامادوز ذره حریم
بیر اوچوق یئرده یاتیب ایندی نوامیس حریم
قوصصه‌ده‌ن زولفون آغاردیب قوجالیب عمه‌لریم
طولقا‌زاده بیزی ایسته‌میر آزاد ائله سین
غئیره‌ت-ی دینی اوْلانلار بیزه ایمداد ائله سی
نوحه سرا و شاعر: مرحوم انور اردبیلی
منتشرشده در
سخنرانی
آخرین‌ها از Super User
- درگذشت احياگر موسيقي «فلك» ، صفحه اول روزنامه اعتماد 1402/12/2
- بعثت شادابي حيات - صفحه اول روزنامه اعتماد 1402/11/18
- حضور در تئاتر لیلی و مجنون در تالار وحدت ؛ نمایشی از یعقوب صدیق جمالی
- عکس خوانی دکتر شعردوست (دیپلمات سابق و پژوهشگر آسیای میانه و قفقاز)
- بزرگداشت هشتادوچهارمین سالگرد تولد استاد ساوالان
