سه شنبه, 17 دی 1392 ساعت 03:30
«سازلی شاعریمیز خازنین روحونا تقدیم» (از مجموعه اشعار ترکی استاد شهریار)
صیزیلدار سینه مین سازی «درآمد» ائیله رم «شوری»
«چوبانیم» سن ده «سلمک» له صیزیلدات تاروطنوری
«حسینی» کاکلین «عذٌاری» گئتدی، نظمی نثر اولموش
چاغیر «شهناز» ینی، منظوم ائده ک بوشعر منثوری
«شکسته» قدّی «آذربایجان» «دلکش» له قیلسین «راست»
«عراقی» «راک» دن ائندیر فروددا، باغلا «ماهوری»
چال او «چارگاه» ایله «زابل» «مخالف» وارسا «مغلوب» ائت
«حصار» ایچره داریخدیم، قوی دارا چکسینله «منصوری»
سازیندا سیملرین اول تار زلفون تک اولوب ناجور
داراخ، مضرابه جور ائت، بلکه جور ائتسین بوناجوری
صیزیلدات «دشتی» و « سارنگی» «تورک افشار» کیمی نئی ده
«بیات کردی» چال، صون «اصفهان» کوک ایله سنتوری
«رهاب» ایله «نوا» دن پنجه قوی «راس پنجگاه» اوسته
«مرکبخوان» ائدیر محشر، قوی اسرافیل چالا صوری
«قاراباغیم چیخیب الدن «سه گاهیم» قوی «یتیم» اولسون
ایگیتلر یوردوسا بیرگون اوجالسین طبل و شیپوری
«همایون» دستگاه اولسان، سازیندا (شهریار) یاد ائت
کی ملت شاعری (خازن) بیزه یازمیش بو دستوری
منتشرشده در
آنادیلیمده
آخرین‌ها از Super User
- درگذشت احياگر موسيقي «فلك» ، صفحه اول روزنامه اعتماد 1402/12/2
- بعثت شادابي حيات - صفحه اول روزنامه اعتماد 1402/11/18
- حضور در تئاتر لیلی و مجنون در تالار وحدت ؛ نمایشی از یعقوب صدیق جمالی
- عکس خوانی دکتر شعردوست (دیپلمات سابق و پژوهشگر آسیای میانه و قفقاز)
- بزرگداشت هشتادوچهارمین سالگرد تولد استاد ساوالان
