پنج شنبه, 21 آذر 1392 ساعت 03:30
«شاعران عاشورایی» گذری برادبیات رثایی آذری همراه بااثری از مرحوم میرزا عبدالوهاب متخلص به حقیر خویی
ذکر 2 اثر از سروده های مرحوم حقیر خویی در شرح احوالات اهل بیت ابا عبدالله به هنگام کوچ از قتلگاه کربلا
(1)
اولان بوقاننه غلطان سنون حسینندور
اولوبدی زینب میدان سنون حسینندور
(2)
همین بو سینه دی بسلردی سینه ده زهرا
اولوب نشانه‌ی پیکان سنون حسینندور
(3)
گهی لبوندن اوپردون گهی بوغازیندان
گلوپ کسوک بوغازیندان سنون حسینندور
(4)
ورو بلا سینه سینه دورتمین اوخ یاراسی
یارا لاریندان آخارقان سنون حسینندور
(5)
اوقدر یاره دگوب جسمینه بوگل بدنی
اولوبدی خاکیه یکسان سنون حسینندور
(6)
یارالی جسمیده بیر گُل آچوبدی هر یاراسی
الوبدی جسمی گلستان سنون حسینندور
(7)
کسوبدی اهرمن انگشتر اُسته انگشتین
سریر عشقه سلیمان سنون حسینندور
(8)
حجازی ترک ایلین کینه‌ی مخالفلن
عراق اهلینه مهمان سنون حسینندور
(9)
گوزی فراتده حسرتله العطش گویان
ویرن سو اوسته سوسوزجان سنون حسینندور
(10)
کمال شوقیه بو کربلا مناسینده
اولان شریعته قربان سنون حسینندور
(11)
قوری یراوسته ویرن پاره پاره گُل بدنی
گویون ستاره‌لرینسان سنون حسینندور
(12)
حقیریمون غمی یوخ عرصه‌گاه محشرده
اوگونده داور دیوان سنون حسینندور
............................................................................................................
سروده ای دیگر از مرحوم حقیر خویی
(1)
دیدوقجا شوره گلوب آرتدی دمبدم دردی
یوزین بقیعه مزار بتوله دوندردی
(2)
بقیعدن گذرایت سمت کربلایه آنا
سالوبدی دور فلک زینبون بلایه آنا
(3)
دیار کَربُلاده قیام محشری گور
اسیر قوم دغا عترت پیمبری گور
(4)
ز بس عداوت آل امیّه ایتدی بروز
سنون حسینوی اُلدوردولر بوچولده سوسوز
(5)
همان حسین که تاپوب پرورش قوجاقینده
قالوب نه حالیله گورگونلرین قباقینده
(6)
سویولموشام نه لباس و نه زیوریم واردور
ولی باشیمدا همین کُهنه معجزیم واردور
(7)
جفا الیله آنا من حسینی ترک ایدورم
یارالی پیکرین عریان قویوب دورب گیدورم
(8)
یارالی سینمی شور و نوایه تاپشورورام
یارالی قارداشیمی کربلایه تاپشورورام
(9)
رقیّه سی یاناجاق آتش فراقنده
علی‌اصغری امّا یاتار قوجاقنده
(10)
اَیاقی آتدایاتار اکبر گیدر هوشه
اولار اونیله حسینون مزاری شش گوشه
(11)
آتابالا غمینی یاد ایدر اورک داغلار
او پاک مدفنه سورتر یوزین یانار آغلار
(12)
ویرر آتانی اوغول جاننه قسم زوّار
نه حاجتی اولا ایستر آتابالادن آلار
(13)
نولور بو وفقه الهی حقیره قسمت اولا
گیدنلره قاریشوب عازم زیارت اولا
منبع: «دُرّ بی‌نظیر یا دیوان حقیر، صص 249-242»، گردآوری شده به همت مرحوم محمود صادری و گزینش و انتخاب مرحوم حاج صادق تائب تبریزی، محل چاپ: تبریز
منتشرشده در
آنادیلیمده
آخرین‌ها از Super User
- درگذشت احياگر موسيقي «فلك» ، صفحه اول روزنامه اعتماد 1402/12/2
- بعثت شادابي حيات - صفحه اول روزنامه اعتماد 1402/11/18
- حضور در تئاتر لیلی و مجنون در تالار وحدت ؛ نمایشی از یعقوب صدیق جمالی
- عکس خوانی دکتر شعردوست (دیپلمات سابق و پژوهشگر آسیای میانه و قفقاز)
- بزرگداشت هشتادوچهارمین سالگرد تولد استاد ساوالان
