سه شنبه, 20 فروردين 1392 ساعت 04:30
استاد سیدمحمدحسین شهریارین تورک شعرینده اوخشاما و مرثیه ژانری
ادامه مطلب...
گاه اوزونو شهید آتاآنا لارینا توتوب دئییر:
آی آتالار، آی آنالار
احسانیز قبول اولو بدور
کوی مناده کسیلن
قربانیز قبول اولوبدور
بعضا ایسه
شهید بالام خئیرین اولسون
بهشتی یاتاغ ائیله دین
بهشتی لر سفره سینده
بیزی ده قوناغ ائیله دین
مصراعلاری ایله اؤزونو شهیدین آتا آناسی کیمی گورور.
استاد شهریارین بو شهیدلره ده یوزاللی مصراعدان عبارت ترکی دیلینده ایکی قطعه شعری واردیرکی استادین استادین تورکجه دیوانی نین صون نشرینده علاوه اولونموشدور.
استاد شهریارین شخصی مرثیه لری نین یازیلیش دؤرونون عمرونون برکتلی لیقیندان آسیلی اولارق مقداری داچوخ اولموشدور. اونون بر حصه ده کی شعرلینده دوستلاری نین مرثیه لری، حیات یولداشینایازذیغی مرثیه لر، ننه سی خانیم ننه یه یازدیغی مرثیه، باجیسی اوغلو، قوهوملاری اولان بهروز و ننه قیز عمقیزی یا یازدیغی مرثیه لر یئرتوتور.
ادبیاتشناسلیق باخیمیندان عزیزه خانیم آدلی حیات یولداشینایازدیغی مرثیه لری باشقالاریندان، داها مرثیه، داهانیسگیل لی، سیزیلتی لی، آغری آجیلی دیر.
نه ظریف بیرگلین عزیزه سنی
منه لاییق تاری یاراتمیشدی
بیر ظریف روحه بیرظریف جسمی
ازدواج قدرتی ایله قاتمیشدی
عشقمین بولبولو، سنی توتموش
هر نه دنیا ده گؤل وار آتمیشدی
آدی باتمیش اجل گلنده بیزه
من آییم چیخدی گؤن ده باتمیشدی
صارالیب گؤن، شافاق دا قان چاناغین
قورخودان تیتره ییب، جالاتمیشدی
قارابایقوش چالاندا آغ قوشومو
زعفران تک منی صاراتمیشدی
کور فضا اوزیولون گئدن واختدا
چاره نین یوللارین داراتمیشدی
نه قدر اوودوم آچمادین گؤزووو
گؤز سکوت ابدله یاتمیشدی
او آلاگؤز اویانمادی کی منیم
بختیمی مین کره اویاتمیشدی
داها کیپریک لرین اولوب نئشتر
یارامین کؤزمه سین قاناتمیشدی
سن نه یاخشی ائتشیتمه دین، بالالار
آناوای ناله سین اوجاتمیشدی
یاباشقا بیریئرده اونون فیکری ایله دانیشدیغی لحظه نی بئله آجیناجاقلی طرزله افاده ائتمیشدیر:
سن یاریمین قاصیدی سن
اگلش سنه چای دئمیشم
خیالینی گونده ریب دیر
بسکی من آخ وای دئمیشم
آخ گئجه لر یاتمامیشام
من سنه لای لای دئمیشم
سن یاتالی، من گؤزومه
اولدوزلاری صای دئمیشم
هر کس سنه اولدوز دئیه
اؤزوم سنه آی دئمیشم
سندن صونرا، حیاته من
شیرین دیسه، ضای دئمیشم
هرگوزه لدن بیرگول آلیب
سن گؤزه له پای دئمیشم
سنین گؤن تک باتماغیوی
آی باتانا تای دئمیشم
ایندی یایاقیش دئییرم
سابق قیشا، یای دئمیشم
گاه طویوو یاده سالیب
من ده لی نای نای دئمیشم
صونرا یئنه یاسه باتیب
آغلاری هایهای دئمیشم
اتک دولو دریا کیمی
گوز یاشیما، چای دئمیشم
عمره سوره ن من قره گون
آخ دئمشم، وای دئمیشم
عزیزه خانیم باشقا بیرنئچه شعری ده واردیر. اوائله جه ده سربست بیر شعرده آتاسی میرآقا خشکنابی نین آناسی خان ننه یه یاخانیم ننه چاغیردیغی ننه سینه بیر یاند یریجی مرثیه ده یازمیشدیر:
خان ننه ها یاندا قالدین
بئله باشیوا دولاننام
نئجه من سنی ایتیردیم
داسنین تایین تاپیلماز
***
سن اؤلن گؤن، عمه گلدی
منی گؤتدو آیری کنده
من اوشاق نه آنلا یایدیم؟
باشیمی قاتیپ اوشاقلار
نئچه گون من اورداقالدیم
یئریوی ییغیشدیر یبلار
نه اوزون و نه یئرین وار
«هانی خان ننه م؟» صورو شدوم
دئدیلرکی خان ننه نی
آپاریبلا کربلایه
کی شفاسین اوردان آلسین
سفری اوزون سفردیر
بیرایکی ایل چکر گلینجه
***
نئجه آغلارام، یانیقلی
نئچه گون ائله چیغیردیم
کی سیم –سینه م توتولدو
او، من اولماسام یانیندا
اؤزو هئچ یئره گئده نمز
بوسفر نولوبدو، من سیز
اوزوتک قویوب گئدیبدیر؟
دئدیگمیز کیمی حیدربابادا آدی چکیلن ننه قیز خانیما بیرقطعه و جوان کن دنیادان گئده ن باجیسی اوغلو بهروزادا بایاتی فورماسیندا اوخشامالار یازمیشدیر و بوندان علاوه قالان مرثیه لری دوستلارینا و صاغداش صنعتکارلارا مرثیه لری دیر. بو مرثیه لر آراسیندا دا تورک ادبیاتی نین قیزیل مصراعلارینی تشکیل ائده ن شعرلرواردیر اوجمله دن:
سعیدین وای سسی گلدی اوجاق سرندو چراغ اؤلدو
بیزیم «فخریه» میز اولسه، چمنلر صولدو، باغ اؤلدو
سعید اگلنجه لر قورموش، بو شهره دیل داماغ وئرمیش
سعید اولسه دئیین اگلنجه کوچدو، دیل داماغ اؤلدو
سعیدین ختمینه گئتمک، بو آسانلیقداکی اولماز
دیزیمده قوتیم قورتاردی آل یاتدی، ایاغ اؤلدو
یا دنیا نه یالان تاپماجادیر شعرینده گؤرون نه آغیر حسرتله مرثیه یازمیشدیر:
ایل کئچدی، باهاراولدو، خبر یوخ گولوموزدن
گول آچمادی، قووزانمادی سس بولبولو موزدن
بایرام گونوموز، یاسلی گوروشلرله کئچرکن
شادلیق نه اوماق بیزآییمیزدان، ایلمیزدن
تقویم آلابیلمم آله، گوردوم منه تقویم
گؤز داغ دی کی «تقویمی» ده گئتدی الیمیزدن
استاد شهریار بوسیرا شعرلرینده آذربایجانین بؤیوک مغنی سی ابوالحسن خان اقبال السطلطان، دؤستی سعید آقا فخریه، حسن تقویمی، ادبیاتچی دکتر جاوید، محمدعلی فخرالدینی، محزون آدلی دوستلارنیا مرثیه لریازمیشدیر.
استاد شهریارین بوژانرده دؤردونجو حصه سالیغمیز مرثیه سی ده اونون بوتون شعرلرینده یاییلمیشدیر. هانسی شعرینده ن بو نوعه مثال گتیره ک. گلین شعرلری نین هامیسی نی جانا سیز طرزده اوخویاق.
منتشرشده در
آنادیلیمده
آخرین‌ها از Super User
- درگذشت احياگر موسيقي «فلك» ، صفحه اول روزنامه اعتماد 1402/12/2
- بعثت شادابي حيات - صفحه اول روزنامه اعتماد 1402/11/18
- حضور در تئاتر لیلی و مجنون در تالار وحدت ؛ نمایشی از یعقوب صدیق جمالی
- عکس خوانی دکتر شعردوست (دیپلمات سابق و پژوهشگر آسیای میانه و قفقاز)
- بزرگداشت هشتادوچهارمین سالگرد تولد استاد ساوالان
