سوار بر مرکب کلک خیال انگیز،در وادی غزلسرایان ترک «هر گونوم»
منیم بختیم کیمی طاق و رواقین
فلک، گؤروم، دؤنسون او اوز بو اوزه!
گونش چیخار مگر سمت مغریبدن،
اگر بیر یول دیسین او اوز بو اوزه؟
هر گونوم هیجریندن دؤنوب بیر آیه،
گئجه- گوندوز ذکر ائلرم بیر آیه،
سنی تاری، اوزون گؤستر بیر آیه،
هئچ گؤروم اوخشارمی او اوز بو اوزه؟
کؤوکب طالعین اولدو سونبوله،
یاخشی مقابل ائت گونو سونبوله،
قویما دسته لنسین سونبول سونبوله،
بیر دؤندر خرمنی او اوز بو اوزه
آدم یئین باری دانه بیلمنم،
گؤرموشم خالینی دانا بیلمنم،
دیلبر، سندن اؤزگه دانه بیلمنم،
عبث منی آتما او اوز بو اوزه
نباتی، غملییم، مئی تؤک ایاغه،
پله تک قورولدوم دوشدوم آیاغه،
بوندان آرتیق منی سالما آیاغه،
سایل کیمی دوروم او اوز بو اوزه.
شاعر: سید ابوالقاسم نباتی
آخرینها از Super User
- درگذشت احياگر موسيقي «فلك» ، صفحه اول روزنامه اعتماد 1402/12/2
- بعثت شادابي حيات - صفحه اول روزنامه اعتماد 1402/11/18
- حضور در تئاتر لیلی و مجنون در تالار وحدت ؛ نمایشی از یعقوب صدیق جمالی
- عکس خوانی دکتر شعردوست (دیپلمات سابق و پژوهشگر آسیای میانه و قفقاز)
- بزرگداشت هشتادوچهارمین سالگرد تولد استاد ساوالان