موضوع اثر: رحلت رسول اکرم (ص) و شهادت امام حسن(ع)
بو بیوفا امت سنه، اتدیله هر جور و جفا
دوزدون ره جانانیده، جومله بلایه بر ملا
قویدون امانت عیترتون، قویمادیلار یا مصطفی
سندن سورا اعزازیلن، توتسونلا بیر ماتم سنه
ــــــــــــــــــــــ
هر حورمتی بو امته، اتمیشدین ائتدیلر عوض
دفن اولمامیش جیسمون قاپون، یاندیردیلار اهلی غرض
هر ظولم گلسه خاطیره، ائتدیله اول گون الغرض
تا وار نفس قان آغلاریق، هر لحظه و هر دم سنه
ــــــــــــــــــــــ
جوری عدودن عیترتون، اولمادی راحت بیر زامان
اولدو شهید اوغلون حسن، زهریله ای شاهی جهان
توتماز دیلیم تقریر ادم، وردی او شه نه نوعی جان
اولادووَ نه نوعی غم، یتدی یتیب اول غم سنه
ــــــــــــــــــــــ
سندن سورا بیر اوغلووَ، زهریله مسموم ائتدیلر
تا حشر اولونجا شیعنی، محزون و مغموم ائتدیلر
ایمام حوسینی کوفییان، بیر نوع مظلوم ائتدیلر
واضحدی حالی اول شهین، ای سیدی اکرم سنه
ــــــــــــــــــــــ
آلدیلا الدن بیر به بیر، مجموع یار و یاورین
اتدیله غلطان قانینه، ناکام علی و اکبرین
گونلر او گونده قویدولار، آخر یارالی پیکرین
اولدو حوسینین بو غمی، بیر محنتی اعظم سنه
ــــــــــــــــــــــ
جانلار بلالی باشوون، اولسون فداسی یا حوسین
وار باشدا هانسی عاشیقین، سن تک بلاسی یا حوسین
دوشدوقجا یاد خولی و شمرین جفاسی یا حوسین
شام و سحر بیز آغلاریق، گؤزلرده قان یاشلا سنه