موضوع اثر: وصیت و سفارش حضرت رسول به هنگام وفات
الوداع ای امتیم، دونیانی تاپشیردیم سیزه
جان سیزین جان عیترتیم، قورآنی تاپشیردیم سیزه
دوزدو من پیغمبرم، نازیل اولوب قرآن منه
عازمی راهی بقایم چون یتیب فرمان منه
منتظردیر عدن ده، دروازبان رضوان منه
دینی تکمیل اتمیشم ایمانی تاپشیردیم سیزه
امتیمدن حؤکم- ی- قرآنه ایطاعت ایستیرم
عیترت – و- اولادیمه سیزدم حیمایت ایستیرم
چون امانتدیر بولار، روز- ی- قیامت ایستیرم
حورمت – ی- قرآنیلن زهرانی تاپشیردیم سیزه
چون حوسین ایله حسن دیر جان- ی- شیریندن عزیز
حوریان حسرت چکر، اولسون بو طفلانه کنیز
قویمایین مندن سورا دونیاد اولسون اشکریز
هر ایکی جنت گولو، ریحانی تاپشیردیم سیزه
قویمان آثار- ی- غم یتسین دل- ی- ناشادیمه
ایلهیین حورمت جهاندا سیز منیم اولادیمه
وُرمایین مندن سورا اود خانهیئ بر بادیمه
دودیمانی عیترت- ی- طاهانی تاپشیردیم سیزه
دین یولوندا چوخ چکیب زحمت عمیم اوغلو علی
حورمتی واجیب دیر چون آلله اون اتمیش ولی
مظهر- ی- کل- ی- عجایب دیر ولی الله علی
من ولی الله تک مولانی تاپشیردیم سیزه
اوصیا و اولیانین چون علی اولاسیدیر
هرکسه مولا ایدیم، ایندی علی مولاسیدیر
دینه پرچمدار اولان، اول همتی والاسیدیر
اهل عیالیلن شه- ی- مردانی تاپشیردیم سیزه
قویمایین غمده قیزیم کلثومی سینه داغلاسین
زینبی چوخ ایستیرم، قویمون جهاندا آغلاسین
من خوداحافیظ سیزی ای امت آلله ساخلاسین
بالاخص من زینب- ی-کبرانی تاپشیردیم سیزه
مرثیه سرا و شاعر اثر: قدرت اله نادری
منبع: کتاب کاروان حجاز اثر شاعر