یامان درد و کدردی غریبلیق دردی. باخمایاراق کی اطرافیندا چوخلی دوستلار و ایستکلی انسانلاروار، اما بوندان بئله وطندن اوزاق قالماق بیرنئچه آی اولاندا، ائله بیل کی اوزومی ایتیریرم. ائله داریخیرام کی گاهدان آغلاماق گلیر. یامان «تبریز» سیزله میشم. خصوصا «وادی رحمت ایچون» و آتامین «مزارین» قوجا قلیپ و او اؤلمز کیشی ایله دردله شماق ایچون چوخ داریخمیشام؛ نخجوانلی «احمد محمود» آدلی شاعیرین «گؤرموشم» رباعیلریندن بیرنئچه سی ائله بیله سن کی منیم بوگونکی احوالیمی گوستریر. شاعر بئله یازیر
آنا یوردا وورولموشام ازلدن
باهاریندا باهاریمی گؤرموشم
سماسیندا یوخ اولوبدو دودمان، چن
داغلاریندا وقاریمی گؤرموشم.
الهامیما قاناد وئریب زمیلر،
تارلالارا یوللانمیشام هر سحر
آغ قیزیلدان تایا ووروب تؤکوب تر
هر آددیمدا بول واریمی گؤرموشم.
دولانمیشام مین باغچانی، مین باغی
سئیر ائتمیشم چوخ آرانی، یایلاغی
دینله میشم مین نغمه لی بولاغی
خزان بیلمز گولزاریمی گؤرموشم.
احمد محمود 1928 نجی ایلنده آذربایجان جمهوریتی نین ناخچیوان شهرینده دوغولموشدور. آذربایجان دولت پداقوژی اینستیتو تونو بیتیرمیشدیر بیر زامان ناخچیوان دولت تئلئویزییا و رادیو وئریلیشلری کومیته سینده ایشله ییردی. شعرلری باکی نشریاتلاری نین نشر ائتدیکلری «یاغیش کسیر» و «قاتارگلیر» آدلی کتابلاریندا توپلدنمیشدیر. چوخ مدتدی اوندان خبریم یوخدور انشائ الله کی ساغ سلامت یاشییر.
دوشنبه –تاجیکستان
رباعیلرین فارسجا ترجمه سی آشاغیدا گلیر، اونلار «سحرنغمه سی» آدلی کیتابیندان نقل اولونوز بوکیتاب «نخجوان دا یاشایان شاعیرلرین توپلو مجموسی» دی کی 1378 نجی شمسی (1999 میلادی) ایلینده کی من ایران اسلام جمهوری سی و آذربایجان جمهوری سی نین دوستلوق جمعیتی نین کاتیبی ایدیم نشر ائتمیشدیم.
دیده ام
من از ازل به میهن خود دل داده ام
بهارم را در بهارش دیده ام.
مه در آسمانش محو می شود
وقارم را در کوه هایش دیده ام
کشتزاران الهام مرا به پرواز درآورده اند،
هر صبح به سوی مزارع روانه شده ام
عرقریزان طلای سفید را بر روی هم انباشتهام
در هر قدم دارایی بسیار دیدهام
هزاران باغ و باغچه را گشتهام
ییلاقها و قشلاقهای بسیاری را دیده ام
به نغمههای هزار چشمه گوش سپرده ام
گزاران بیخزان خود را دیده ام
نغمههای سپیده دمان، گزیدهای از آثار شاعران نخجوان –به اهتمام علی اصغر شعردوست
ناشر: انجمن دوستی جمهوری اسلامی ایران و جمهوری آذربایجان
جمعه گونی اردیبهشت آیینین اوتوزی –مای آیینین ایگیرمی سی