چهارشنبه, 02 ارديبهشت 1394 ساعت 04:30

شهادت حضرت امام هادی (ع) تسلیت باد

این مورد را ارزیابی کنید
(0 رای‌ها)

گهی بتول گوزی یاشلی کربلایه گیدر

گهی بقیعه گهی کربلایه گیدر

امام نور هدادور خدایه آیت دور

امام قدرت قهّاره بیر علامتدور

امام اولماسا اولماز بو عالم تکوین

مدار عالم امکان وجود حجّت دور

امام اولماسا افلاک برقرار اولماز

قوام ارض و سمایه امام علّت دور

اودور خلایقه واجبدی امر و نهی امام

علی ولایتی شرط قبول طاعت دور

ولایت اولماسا اسلام فایده ویرمز

امام معرفتی افضل عبادتدور

تمام عبادت و طاعات فرض اولونسا جسد

جسد ایچینده فقط روح بیر ولایت دور

رسول اکرم ایدوب اون ایکی وصی تعیین

اولار امام امم ، پیشوای امّت دور

بو اون ایکی نفرون دوردونون علیدور آدی

او آدلار عرش خدای جلیله زینت دور

بیری بقیعیده اوز جدینون مزارینده

بریسی طوسیده گنجینه ی جلالت دور

بیری نجفده بیری سُرَّ مَن رَأده یاتوب

آلان قراریمی الدن او پاک تربتدور

پیمبره بو اونومجی وصی دور آدی علی

ابوالحسن عرب ایچره بونا کنیّت دو

آتاسینون آدی پیغمبرین آدیندان دور

نقیّ دور لقبی هادی شریعت دور

آناسینون آدی دور آسمانه ی غربی

دیه لّه ام ولد بیر حیالی عورت دور

بونون حوالی یثربدی مَسقَطُ الرَّاسی

مدینه شهری بونا مسکن اقامت دور

یکی یوز اون ایکی ایل هجرت پیمبردن

گیچنده سال تولد بونا کتابت دور

قویوب جهانه قدم نصف ماه ذیحجّه

مفید مقتلی ارشادیدن روایت دور

رجب آییندا ایکیمجی و یا بشمجی گونی

گلوب جهانه او گون عید ذی سعادت دور

هنوز ایلمیوب یتدی سنّینی تکمیل

اُلوب آتاسی، اوزی وارث امامت دور

مدینه ده آتاسیندان صورا قالوب اون اوچ ایل

گوروب او که غم و اندوه و درد و محنت دور

مدینه حاکمی بو شاه دینه مبغضیدی

امام عصره ایدردی او که اذیّت دور

او عصریده متوکّل خلافت ایلوردی

عجبدی خلق دیموردی بو نه خلافتدور؟

بو گون امام علی النّقیدی حجّت حق

امام مفترضُ الطّاعه، کان رافتدور

امامه والی یثرب او قدر ویردی فشار

که ذکری ماوَقَعین مایه ی خجالتدور

خلیفیه شه دین نامه یازدی گوندردی

تصوّر ایله امامه نجه حقارتدور

او شان صاحبی بیر شخصه ملتجی اولدی

که ذاتی تخم زنادور خبیث فطرت دور

او کافره یتیشوب نامه ی امام مبین

گوروب رَقیمه ده مرقوم اولان شکایت دور

صلاح مملکته گوردی مقتضی گورونور

دیدی جوابی امامین فقط محبتدور

جواب یازدی که ای سیّد بنی هاشم

خلیفه مقدمیوه شائق زیارتدور

چوخ اینجیدور سنی والی اونی من عزل ایلدیم

سنی فشاره سالان مستحقّ خفّتدور

قدم عزیز ایله گل سُرَّ مَن رَآیه طرف

بغیشله گرچه بو گلماق سنه صعوبتدور

بو شهریده سنه چوخ احترام و حرمت اولور

تشرّفوز هامی عبّاسیانه منّتدور

گلوب او نامه، امام اولدی خرّم و خوشحال

دیدی مدینه دن ایمدی زمان هجرتدور

گوروب تدارکینی سُرَّ مَن رَآیه گلوب

ازلدن عترت طاها نصیبی غربتدور

جلال و عزّتیله داخل اولدی شهره امام

بولنمورم متوکّلده بو نه جراتدور

اجازه ویرمدی گلسون حضوره هادی دین

او بی حیاده بو نه بغض و نه عداوتدور

امام عصره ویروب کاروانسراده مقام

نجه مقام دلیم شرحینه خجالتدور

ایدردی اوردا گدا و غریبلر مسکن

او یر امامه گور انصافیدور، مروتدور

گیچوبدی بیر نچه گون منزل ایلدی تعیین

امام نقل مکان ایتدی گوردی فرصت دور

پیمبر اوغلی او یرده ایگرمی ایل قالدی

یتیشدی قلبینه هر نه مصیبت و غمدور

بو مدّتی نه چکوب عاجزم ایدم تقریر

دیمه بو مدتی بیر گون امام راحتدور

او سروره متوکّل او قدر ظلم ایلیوب

دگول بیانه گلن جای بهت و حیرتدور

امام عصری سالوب ذلّتیله آت دوشونه

امامه ایلدی هر نوع هتک حرمتدور

گون ایسّیسینده پیاده او قدری یول گیتدی

وجودی ایتدی عرق گور نه وضع و حالتدور

اولان وجودینه بسته قوام کُن فَیَکون

گوره بو ذلّتی الحق بیوک حقارتدور

امام او کافری نفرین ایدوب هلاک اولدی

خدا یانیندا دعای امام اجابتدور

اولوب خلافته بی شرم معتمد غاصب

اونون خمیره سی شرک و نفاق و نخوت دور

بو فکریدیدی علیّ النّقینی اُلدورسون

جفا و خدعه و تلبیس او شومه عادتدور

امامی بیر گیجه جبراً گتوردی مجلسینه

او بی حیا نجه گور معدن خباثت دور

امام داخل اولوب مجلسه باخوب نه گوروب

خلیفه شرب ایدوری مقصدی اهانت دور

باخون حیایه امامه تعارف ایتدی شراب

تعجّبم او لعینده بو نه جسارت دور

امام عصر بویوردی خلیفه معذورم

شراب آل رسوله خلاف عادتدور

شرابی امّتینه جدّیم ایلیوبدی حرام

شرابی هر کیم ایچه مبغض شریعت دور

حرامزاده حیا ایتمدی او سروردن

دیدی نه موعظه دور بو نه طرز صحبت دور

سن ایچمه من ایچرم بزم عیش و نوشیمه باخ

سرود زینت بزم سرور و عشرت دور

دایانما باشلا خوش آوازیله اوخی اشعار

ایشیتمیشم که حجاز اهلی با فصاحت دور

گوروب او حالی امامین پوزولدی احوالی

علاج یوخ داخی گوردی تقیّه سنّتدور

گلوب تکلّمه بیر نچه شعر ایدوب انشاد

او شعرلر ادبی نکته دور نصیحت دور

کلامینون بودی مضمونی ایّها السّلطان

اوتان حیا ایله باخ گور بو نه جهالتدور

بو روزگار وفاسیزدی، کاینات اُله جاق

نه یاتموسان گوزون آچ بو نه خواب غفلتدور

او شه لری که اوجا قصرلرده ساکنیدی

قرارگاه لری ایمدی خاک ذلّت دور

اولار که دور و برینده قویاردی مستحفظ

هاموسی قبریده بی حفظ و بی حراستدور

هانی ملوک سلف نولدی صاحبان خدم

گیچن گلنلره حکمت یوزیله عبرت دور

بو سوزلری ایشیدنده خلیفه هوشه گلوب

دیدی که منده بو نه دین و نه دیانتدور؟

تمام خلق اُله جاق ایمدیکه نه عیشیدی بو

بو منزیلیمده کی، ذرّیّه ی رسالتدور

امام عصریدن اول ظالم عذرخواه اولدی

امام گوردی که فرصتدی وقت عودت دور

قِییتدی منزیلینه دل شکسته پژمرده

امامه باخ نجه گور مبتلای عسرت دور

ایکی امام علی نام، نسل خیر الانام

گیدوبدی بزم شرابه عجب شباهت دور

بیری امام علیّ النّقیِّ هادی دور

بیریده سیّد سجّادیدن عبارت دور

یزید ساخلادی سجّادی پای تختینده

دیموب امانت طاهایه بو خیانت دور

وجودی ناخوش، اوزی بسته ی غُل جامع

علیل امامه مگر بو جفا عیادتدور

گهی شراب ایچوب، اوینیوب گهی شطرنج

گهی دیردی عجب وقت استراحت دور

اولیدی کاش بو گون بدریده اُلن اشیاخ

بو انتقام اولارین فعلینه شراکت دور

یزید مجلسینون ماجراسی قورتولماز

ایداخ تمام نظر اوزگه بیر روایتدور

آدیم حسینی اوزوم سعدی زمانم من

امیدیم عترت اطهاریدن شفاعت دور

خواندن 1049 دفعه آخرین ویرایش در چهارشنبه, 02 ارديبهشت 1394 ساعت 04:30

نظر دادن

روز ملی شعر و ادب پارسی- شهریورماه 1400

یادی از دوران نمایندگی در مجلس شورای اسلامی

پشت صحنه حضورم در برنامه زير نور ماه در شبكه جهانى سحر

تازه ها

فصلی نوین در روابط تهران و دوشنبه - صفحه اول روزنامه جام جم 1400/06/28

فصلی نوین در روابط تهران و دوشنبه - صفحه اول روزنامه جام جم 1400/06/28

دوشنبه, 05 مهر 1400 17:55

اولین سفر خارجی رئیس‌جمهور محترم به کشور همزبان، هم‌فرهنگ و هم‌آیین تاجیکستان با موفقیت‌های جدی و پردامنه‌ای مواجه بود. در این سفر، علاوه بر عضویت رسمی جمهوری اسلامی ایران در...

در سوگ علی مرادخانی، سترگ سکاندار سفینة فرهنگ و هنر (روزنامه اطلاعات1400/03/18)

در سوگ علی مرادخانی، سترگ سکاندار سفینة فرهنگ و هنر (روزنامه اطلاعات1400/03/18)

شنبه, 05 تیر 1400 09:47

ای قبلة جان کجات جویم جانی و به جان هوات جویم دیروز چو آفتاب بودی امروز چو کیمیات جویم اگرچه مرگ «داد» است، اما آدمی این «داد» را برنمی‌تابد و عشق آدمی به حیات...

بهار خونين قدس ( صفحه اول روزنامه اعتماد1399/02/29)

بهار خونين قدس ( صفحه اول روزنامه اعتماد1399/02/29)

پنج شنبه, 30 ارديبهشت 1400 16:33

شيون‌هاي زن نگهبان تاكستان در شب، مرا بيدار مي‌كند؛ و غريو باد شمال را مي‌شنوم در بيشه زيتون؛ كه نوحه سر كرده و در گوش من سوگنامه ملت سختكوش مرا، ملت شكست خورده مرا تكرار...

رمضان و شهید رمضان (روزنامه اطلاعات یکشنبه 1400/2/19)

رمضان و شهید رمضان (روزنامه اطلاعات یکشنبه 1400/2/19)

یکشنبه, 19 ارديبهشت 1400 16:30

رمـــضان المبارک با نام مبارک على(ع) پیوند خورده است. نام و یاد شهید رمضان، این با فضیلت ترین ماه خدا با نام و یاد پیشواى پرهیزکاران و عطر شهادت حضرتش...

روزنامه سرخاب - 1399/12/14 - برخوردهای قهری به اعتلای تبریز نمی انجامد.

روزنامه سرخاب - 1399/12/14 - برخوردهای قهری به اعتلای تبریز نمی انجامد.

سه شنبه, 31 فروردين 1400 09:54

علی اصغر شعردوســت درخصوص اعتراض های صورت گرفته پیرامون مجسمه های استاد شهریار، ستارخان و پروین اعتصامی اظهار داشــت: در مقوله های مختلــف برخوردی از این دست به اعتلای شهرمان...

حق تكثير كليه محتواى تصويرى، صوتى و نوشتارى اين وبسايت متعلق است به على اصغر شعردوست .