«اته گی صلح و صفا،آی باشی طوفان ساوالان» سوار بر مرکب کلک خیال انگیز، در وادی غزلسرایان ترک زبان

اته گی صلح و صفا ، آی باشی طوفان ساوالان پیرچگی آغ ، چمنی گوی ، لالاسی قان ساوالان باشی قارلی ، اوره گی اودلو ، بولاغلاری سرین توگولور گول نفسوندن سنین ، عرفان ساوالان توپراغی لعلیله مرجان ، داشی یاقوت یمن دئیه رم داغلار ایچینده سنه ، سلطان ساوالان   داشی کهلیکلی ، گویو دورنالی ، جیرانلی دوزو آل یاناغوندا بیتر نرگس و ریحان ساوالان چنلی بئلدن یاراشیخلی اوباوا ، یایلاقیوا شانلی ائل اویماق اولار یاز باشی مهمان ساوالان نبی نین بوز آتی کیشنر ، چولو مخملی قوماش هجر ائیلر اونا اوز جانینی قوربان ساوالان سارانی سئللر آپارماخدا بیز اولدوق مظلوم خان چوبانین اوباسین ائتدیله ویران ساوالان من گونئی دن سن قوزئی دن وئرک ال بیربیرینه باغلایاق همتیلن بیر یئنی پیمان ساوالان احتشامیله گیره ک دالغالی دریا ایچینه قعر دریاده تاپاق دوریله مرجان ساوالان نیر آیاقوندان اوپوب فخر ائله یرسه آدیوا آغلاغاندا سنین اوغروندا وئره ر جان ساوالان زنده یاد: آقای ولی سطوتی