پنج شنبه, 30 آبان 1392 ساعت 03:30
«ایمان مشتریسی» (از مجموعه اشعار ترکی استاد شهریار)
(1)
آمان آللاه! یئنه شئیطان گلیب ایمان آپارا.
قورویون، قویمایین ایمانیزی شئیطان آپارا.
(2)
منیم انسانلیغمین گؤر نه حاصاری یاوادیر!
کی گونوز عول بیابان گلیر، انسان آپارا.
(3)
خرمنی، ساققیزا وئردیک نه یامان چرچی دی بو؟
هئی گلیر کنده بیزده درد وئره، درمان آپارا.
(4)
چؤرگ آلمیش الینه آج نئجه طاقت گتیسین؟
ائله بیل یازگئجه سی قیزگلیب اوغلان آپارا.
(5)
قانلی دیرناقلارینان اینگیلیس ال قاتدی بیزه،
باخیسان روس دا آرازدان کئچیر، ایران آپارا.
(6)
آرادان بیرده بیزی بؤلسه لر اربابلاریمیز،
قورخورام قویمایالار تبریزیتهران آپارا.
(7)
قارا طوفان کی داخی خلقله شوخلوق ائله مز،
سئل گرک: ائل داغیدا، ائو ییخا، ایوان آپارا.
(8)
بو قارانلیق گئجه لرده قاپیمیز پیس دؤیولور،
نه بیلیم؟ بلکه اجل دیر دایانیب جان آپارا!
(9)
آناما سؤیله یین اوغلون ییخیلیب سنگرده
« تئللرین باس یاراما، قویما منی قان آپارا »
(10)
سلقه لی اوغرو تاپیلمیشسا بو باشسیز یئرده،
شهریاردان دا گرک بیر دولو دیوان آپارا.
منتشرشده در
آنادیلیمده
آخرین‌ها از Super User
- درگذشت احياگر موسيقي «فلك» ، صفحه اول روزنامه اعتماد 1402/12/2
- بعثت شادابي حيات - صفحه اول روزنامه اعتماد 1402/11/18
- حضور در تئاتر لیلی و مجنون در تالار وحدت ؛ نمایشی از یعقوب صدیق جمالی
- عکس خوانی دکتر شعردوست (دیپلمات سابق و پژوهشگر آسیای میانه و قفقاز)
- بزرگداشت هشتادوچهارمین سالگرد تولد استاد ساوالان
