يا رب منه بو لحظه دى بير عمر ايله يارى
عشقونده سنون جان ويرورم هر ندن عارى
قان قان ديئن او خلا ياغورى الّى هوادن
اوز اوندروب اوخلار منه فنده سنه يارى
قربانوى سالما نظرمرحمتوندن
جان اوسته وارام نعمتوون شكر گزارى
گرجام بلاده گنه وار باده خدايا
گوندر من عطشانه خمار قويما خمارى
دنيا سو اولا من سوسوزى سالما عطشدن
قورتارسا عطشدن منى وصلوندى قوتارى
ورديم سنون عشقونده منه گلدى گمانم
بير باشى قالان عاشقوون دار و ندارى
بو باشدا سنون كيدى كه سن دئيدى امانت
ردّ ايلورم ايندى سنه آن اوجا يوخارى
دشمن دئدى قول بيعته قوى من دئديم اولماز
عشقيم دئدى قان قان چاغيررسان دئديم آرى
تهديد ايلينلر منى مرگه نه بو لوللر
مرد آننى قانيله يووار اولساغبارى
زهرا چراغى مين بيله طوفانيله سونمز
حشره كيمى وار مشعلمون نورى ، شرارى
من ايستيورم عزتنى دوشمنيمونده
نينيم گوروسن دشمنمون يوخدى چخارى
آخر نفسيمدور گل آچوب گلشن جسميم
قان ايچره غميم يوخ اورزوم اولسا سنه سارى
روحيم قوشى چوخدان دي كى قالميشدى قفسده
بيراوخ توخونوپ قلمبيمه سنديردى حصارى
اوخ قلبمى داغون ايليوپ توكدى داغتدى
وئردى جالادى ، قانى يره ، قيردى دامارى
زهرا باغينون عنچه لرى گللرى سولدى
تك بير گونون عرضينده خزان اولدى بهارى