دوشنبه, 28 مرداد 1392 ساعت 04:30
کؤنلوم قوشو آذربایجان خاطیره لری گؤیونده
(قسمت دوم)
«خزر» یئلی «موغان» زمی لرینده اَسیر، آغاجلیقلاردان سووشور، آتلارین یالیندان اسلانیر... و اؤزی ایله 5 ینجی فصیلین رنگ لرینی سپه لییر!
بوردا پانیق زمی لری نین رنگی دورنالارین قانادالاری رنگی ایله و بوغدالیقلارین رنگی ایشیق ذره لری نین رنگی ایله قوووشور. بوردا تارلالار آخار قیزیل چایلاردی کیمی آمان لار گفیش لیغیندا آخیر.
موغان دان ایشیق دوغولار، نورملَکی هر سحر موغان گؤللرینده یووونورسونرا سمانین گرم –گوی غرفه لرینه آددیم قویور.
بورا موغان دی! «موغان» اوولاری اساطیر بولاقلاریندان ایچیب –دویوب ائلات لارین گئجه ناغیللاریندا گزیرلر.
بورا موغان دی جنته بنزه ر باغلارینان کی شیرین میوه لرینی طاباخ طاباخ قوناقلارینا پایلیر.
بورا موغان دی، بوردا ا...ین برکت الی سویو –تورپاغی تومارلیر، بلکه بهشت خاطیره سی، انسانین جانی صحیفه سنیدن سیلیمه سین.
***
قافله یه قوشولوب، گلیره م! قوزولارین زینقیروسی و دوه لرین زنگی ایلن!سورولرین دالی سیجا درنی –دؤزی گزه ن ائل کیشی لری نین ترنم لری ایله. اوشاقلاری ایله کجاوه ده ایله شین خانیملارین آرام زمزمه سی ایله، ائل قافله سی ایله سنه ساری گلیره م کی سن اؤره گیمده درین نیسگیل لرین گیزلندیغینی بیلیرسن، سنین باغیریندان بولاق کیمین جوشماق، سکوتوندابیرزمزمه ترنمی اولماق، قایلارین سکوتوندا و چوللرین دامارلاریندا آخیب –دولانماق نیسگیلی! آل لاله لر کیمی سنین دوشونده بتیماق نیسگیلی! سئومنه سؤینه قویون –قوزولارین دالی سیجان قاچان اوشاقلارین صوراتلاری کیمین قیپ قیزمیزی لاله لر، سلطان ساوالانین بولاغی طراوتینده یووونماق، حضورورنون خاطیره سیندن سووغوشان ایل عاشیقلاری نین ماهنی لارینی اتشیتماق نیسگیلی! اوعاشیقلار کی سازلارینی باغیری لارینا باسیرلار و هر باهاردا سس لرینده تازابیر ارمغان سنین گؤروشونه گلیرلر:
ساوان بوز باغلار
دوره سی یاریمیز باغلار
ایل اؤتر، زامان کئچد
شاعیرسنه سؤزباغلار
عاشیقلار خاطیره سینی آل لاله لرین ذهبیدن آلیب، حضورونون گئش لیگینده سپه لندیره ن نسیم زمزمه لرینه قولاق وئرمک نیسگیلی! و هارادادیر یانمیش کؤنلونو شعر نین شعله سینده سنه باغیشلامایان شاعیر؟
یاشیل اللرین شوکتی! گؤیلراوجالیغیندا آغ آبیاق قارشنلی نی گئیمیش ساوالان! منه آتایانا حضورونون دینج لیکینده ابدی حضور و دینجه لمک اذنینی وئر! قوی قوزولاری یونجالیقالاری نین ایسلانمیش حرارتینده اؤزسون لر.
ساوالان! منه قایالاریوین هر بیرینده آتابابالار قافله سی نین کئچمه سی خاطیره سینی خاطیره لاماق فرصتنی وئر: کجاوه لر اوستونده آنالار لایلاسی نین نغمه سی، کؤچون تانیش سی! سفر!... آردی آراسی کسیلمه یه ن سفر!
باهاردان باهارا ائل لریمه بیرلیگده! اردبیلین مهربان باخیشلاری ایله هاماش اولوب سنه سالام وئرمگه گلیره م! گلیره م الوان چیچک لریون شلاله لرینه دوغرو. گلیره م بال آری لاری نین شیرین زمزمه لرینه ساری، اوجاقلار وتندیرلرین صمیمی ایستی سینه، ائل سئوه ن خانیملاری نینی ال لری نین هیجانلر گلیش، گئدیش لرینده حرکت ائده ن نهره لده ساری! هر سحر ائل –اوبانی بوتون ساوالان چیچک لری نین عطرینی یابان ایستی و تازا فتیرلرین اؤستونه سؤرتولموش کره نین تازالیغینا قوناق ائدیرلر.
گلیده م تازاگلین لرین، خالی تو خویارکن اوتانجاق اوتانجاق اوخودوقلاری ماهنی لارین قوناق لیغینا، آتلارینی چاپدیرارکن جاوانلاری نین نجیب های های لارینا ساری! ساواران! آی ساوالان! قایالارینی گزیره م! سینه م وحشی چیچک لرین عطرینده دولوب –داشیر! قولاقلاریم بال آری لاری نین های –هویوندان دولور سانکی دنیاتین لاب شیرین بال لاری نین شهیدینی، نفس چکدیگم هاوادان دادیرام! دوشومو، دؤشونه سورتوره م، دؤشونه قولاق باتیرم یرام بلکه قلبیوین آرام دویونتوسونو ائشیده بیلدیم! هامان قلب کی گاهدان قهرمانلاری اوچون ائله چیربنیب کی قایالاری سیندیریب –داشلاری چارتلادیب! شهید قهرمانلارینا گؤره دؤنه –دؤنه توتولان اؤره ک. ائله کی بوتون دنیا بولودلاری بیردن بیر سنه ساری هوجوم چکیب –اوچیرپنمانین حزین آهنگی انین آغلاشیب لار!
قایلاریوا آددیم قویوارم، اسگی اسطوره لری نین جلال –جبروتی منی اؤزونه دوغدو چاغیریر! من سنده تازالانماق ایسته ره م، ائلین اسطوره قیزی نین هرگون قیزیل تشت ایله یالتاد یووماغا گلدیگی گؤلون طرواوتینده، دورولوغوندا ال –اؤزوسو یوماق ایسته ره م! قورخولو گدیکلریندن کئچیب گوم –گؤی افق لرینده سیر ائده ن، ذیروه نین شوکتلی تک لیگینده سنین ایله همدم اولان قارتال لاریرین یووالارینا چاتماق ایسته ره م.
ایلدیریملار ذیروه لری نین اوجالیغیندان دوشلرینه چالاچالا آشاقی ائنیرلر و قاراگئیمیش بولودلار غضب له قایلارینا چیریمیزلار، دامچی دامچی سوزولوب توکولورلر! عظمتلی سیلدیریم قایالارین پناهیندا دؤزوب، دایانماق، جلالینا و اقتدارینا تاماشا ائتمک اولار.
ساوالان! ائل باهاردان باهارا سنی گؤرمگه گلیر! سنین عطرینی آلماغا، تورپاغینا ال سورتمگه، قویون قوزو سورولری نین دالینجالکا قاچماغاگلیر. وبئله دیرکی تازا –ایستی چوره ک ین خوش ایل ائل اوبالاریندا یاییلیر و تازا ساغیلمیش ایستی سود سنی ائلات صمیمتینه چاغیریر.
***
داشلیقلاردان کوچیره م، قایالارین محاصره سینده دایانیرام! قایالار هر طرفدن گوی لره باش قالدیریرلار. اونلاربیربیری نین سایه سینده دینچه لیر، اوزبه اوز بیر بیری نین –کناریندا دایانیرلار! من سوکوتی گؤزله ییره م! قایالارین، سسیمی بیرداها اؤزومه قایتارماسینی گؤزله ییره م. آنجاق بورادا هئچ واقت منیم جاوابیمی گؤزله مه ین لر واردیر! برودا، بوقایالیقدا هئچ بیر سس عکس صداسینا چاتابیلمه، بوردا بوقایالیقدانه سکوت قولاغیمدا زنگ چالار، نه تک لیک، یالنیزلیق سراغیما گله ر. بوردا هر قایا بیر جنجره ایله باخیشیما جاواب قایتارار، بوردا هر قایا کورپو اولوب –منی اؤزباغیرینا چاغیریر! بوندان آرتیق ایسته ر سن؟ بوندان آرتیق کی بوردا هر قایانین منی آدیملا سسلیه ن آغزی واردیر! بوردا الیمی قایالارین اؤستونه قویام بارماقلاریم تک به تک یوزلر قلب ین دویونتوسوایله داغلانیر! بوردا بوقایالیقلاردا پیچیلداسام دا انسانی بیر جاواب آلاجاغام، تکی بو قایالارین هر بیری نین سینه سینده بیر پنجره واردیر و بو پنجره لرین هر بیریندن گونش کیمی مهربان اؤزلر منه گولور، نورساچیر! من آدیملا سسلیرلر و من بو اؤزلرین گؤلوشونده بیرکورپوندن کئچیره م و اؤره کلرین قاپی سینا یاخینلاشیرام! داهادا یاخین! بیرکس قوجاغین منه آچیر اوکس کی بیلمیره م کیم دیر؟ هاردان بورایگلیب ونئجه بیربئله ایل بوقایالارین آراسیندا قالیب –یاشاییب دیر؟ و هانسی بیر تاریخ له بوقویالارین سینه سینده یئرلشیب دیر؟ من اونون باغیری نین ایستی سینه گؤلومسونوره م، داش ارییر، گؤلوش کیمی یوموشاق و مهربان اولور! ائله کی آغیر سیلدیریم قایالاری، امنیت و دینج لیک پناهگاهی، ائوه چئویرمک اورلار! بورا «کندوان» دیر دولوب –داشان عاطفه لر و مهربان قلب لرین قایالارین اوره گینده سیغینده یغی یئر –یورد! ائله بیل کی بوردا یاشیش هر آن ئینی لشیر! بیر کورپودن اوبیری کورپویه، بیر داش ائودن اوبیری ائوه قدر! بوردا یئل اسدیکجه قایالیقلارین آراسیندا انسانین خالص حضوروندان دوم –دور نغمه لر اوجالیر.
ادامه دارد...
منتشرشده در
آنادیلیمده
آخرین‌ها از Super User
- درگذشت احياگر موسيقي «فلك» ، صفحه اول روزنامه اعتماد 1402/12/2
- بعثت شادابي حيات - صفحه اول روزنامه اعتماد 1402/11/18
- حضور در تئاتر لیلی و مجنون در تالار وحدت ؛ نمایشی از یعقوب صدیق جمالی
- عکس خوانی دکتر شعردوست (دیپلمات سابق و پژوهشگر آسیای میانه و قفقاز)
- بزرگداشت هشتادوچهارمین سالگرد تولد استاد ساوالان
