اوردا قاردا یاغار، آمما داهاگوللر صو لا بیلمز
بو طبیعت، او طراوتده محال دیر، اولا بیلمز
عمر پیمانه سی اوردا دولا بیلمز
او افقلرده باخارسان نه دنیزلر، نه بوغازلار
نه پریلر کیمی قولار قونوب –اوچماقدا نه قازلار
گولده چیممکده نه قیزلار
بالیق الدوز کیمی گؤللرده، دنیز لرده پاریلدار
یئل کوشولدار، صو شاریلدار.
آبشار مرواری سین سئل کیمی تؤکدوکده خاریلدار
فصر لرواردی قیزیلدان، قالالار واردی عقیق دن
رافائیل تابلو سوتک، صحنه لری عهد عتیق دن
دویماسان کوهنه رفیق دن.
جنتین باغلاری تک، باغلاری نین حور و قصوری
دوزولوب غرفه ده، بالقوندا جواهر کیمی حوری
الده حوری لری نین جام بلوری
تونگونون گول کیمی «صهبای طهوری»
نه ماراقلارکی، آییق گؤزلره رؤیادی دئیرسن
نه شافاقلار کی ده رین باخمادا دریادی دئیرسن
اویدوران جنت مأوادی دئیرسن!
.....
اوردا شعرین، موزیکین منبعی سرچشمه دی قاینار
نه پریلر کیمی فواره دن افشان اولوب اوینار
شاعر آنجاق اونو آنلار!