کؤنلوم قوشو آذربایجان خاطیره لری گؤیونده

ایران، رنگ لر و بویالار یوردی، رنگه چالان یاشیللار یوردی، مین رنگه چالان ماوی لر یوردی. گؤموش کیمین پارلایان سولار یوردی،

ایران، شعر یوردی، شهدیوردی و شهید یوردی! اؤره کلری بیر بیری ایله قونشو اولان انسانلار یوردی، اولدوز لارین ایشیغینان بزه نمیش یاخیشلار یوردی. ایران تاریخ حماسه لری نین اوجاقله لرینده دایانیش یورد، بهشتی نغمه لر یودی تاریخین لاب اودلی گونلرینی سؤرموش یورد.

سفر چیخیریق! گؤورنتی لرین یاشیل مخملی اؤستونه چکیلمیش محکم قایالاریوردی. سفر ایپک یولی اوستودنده یئرلشمیش، قافله لرین رویالری ایپکینده بوژونموش یوردا. مبارک سفرین باشلانیشیندا چووشلارین خوش سینه قوشولموش قاله لر. یولون باشیندا اولساق دا، چاتماق اشتیاقیندییق! چوووش قافله نین قاباق صفینده دایانیب، بو گونه ساخلاذیغی آوازینان، سفرین باشلانما سیندان خبروئریر! سفر آذربایجانا، سفر آل لاله لر دیارینا!

چوووش قردش! اوخو، اوخو! قوی سسین چول لری، آران لاری گزیب –دولانسین سونرا داغلارا دگییب –قئیده نده عظمت و جلال جینگیلتی سینی سالین! آی چووش سنین سسین اوره ک لریمیزین لحنینه بیراوقدر یاخیندی کی سوزانین دیلین سس لربیر! باخیشلار بیرسمته باخیر، اوره ک بیرسؤز دییر بوغازلار بیر نغمه اوخور بوردا فرهنگ الله آذینان باشلانیر و بوتون دیل لر، ائل لر و طایفالار آخاریندا (امت واحده) اقیانوسونا قوشولور.

ایران کؤلگه لر، گؤنش لر یوردی، قالارغی قارلار، همیشه پارلارگونش یوردی و گونشین آلاولی مداریندا سینه سینی آچمیش کویرلر، ایلدیریم لار، شیدیرغی یاغیش لار، همیشه لر شرجی لر و اوچ آی لیق یتلر لر یوردی اولسادا، بوتون گشیر لیقی انین  1 و 3 رنگ لی یاشیل، آغ و قیرمیزی بایراغینان عهد –پیمانی واردی! بئله بیر یوردا سفره چیخیریق، سیر –سیاحته باش قوشوروق! بیزیم قافله میزه قوشولون، قافله زنگی نین سسینه، چووشوموزون آوازینا قولاق یاتیردین! باخیشلاریزی باخیشلاریمیزا قوناق ائلیین! اللریزی، اللریمیزین صفاسی وامنیته تاپیشیرین، بیزه هاماتئر اولون و اتشیدین کی چووشوموز بتله باشلییر:

سهند، باش اوجا، شوکت لی، قارین آغ آبپاق قوجاغیندا دینجه له ن اود. هئچ زامان دایانمیان طوفانلارا باش ایمیدن، بولودلارین حریر آبشارینا بؤرونموش، کهکشانلار سرینی بیلدن، بولاقلارین شوخ نغمه سینده جوشان. و یاز چاغی یابیزلارین خوش عطیری. نسیم تومارلیینه ن رامان بابونه لرین شوقاگلیب –شیرین اویناماسی! رقصی!

سهند! باهار یاشیل دونون گییب، اتک لرینه قوناق گلنده نئجه حرمت ائلییب اونی عزیزلیرسن! و قولاخ یاتیردیرسان قویون –قوزونی سورچیه چاغیران چوبان ین چالدیغی حزین –حزین نی سسینه!

قوشلارین خوش آوازی سنین سکوتوندا بورولور –سکونوندا آخیر اولارین یوموشاق اوچوشلاری، آرزیلی، گوروزی لی قونوش لاری!

سنه باخدیغیم هرزامان، اورهگیم بیرآن دایانیر، سنه مدن بیر حس جوشوب، اوسته چیخیر و باخیشلاریما آغیرلیق سالیر! ایستیره م قول لاریم آچیلدیقجا سنی، قایلاریوین آغیرلیغینی و آرامش وئره ن سکوتووی قوینوما آلیب –باغریما باسام. بوتون وارلیغیم، بوتون وجودومی گؤتوروب گووره نتی لریوی گؤروب –عطرینی آلماغا گلماق ایستیره م!

تاریخ کوچه لرینده ایتمیش آغ آتا مینیب سنین اتک لرینده هر بیریانا چایماق ایستیره م!

ایتیره م هر داشین زویولدییب –اشاغی گلئده منیم آدیمی سسله سین، بلکه سن منیم نئجه گلیب، نئجه چاتماغیمی گؤره سن:

لاب اوزاق و لاب گؤزدن اوزاق قالان یوللاردان، سنین شیرین رؤیالریوین پنجره لریندن! هرگئجه بولوتلار حریرینه بوکدوغون یوخولاردان! سنین رویالریندن بارلانیب یاغان بولوتلار، و او گویره نتی لر کی سنین رویالرین دامارلاریندا دولاندیقجا گؤیلره باش قالدیریرلار.

کاش من بیرسئل اولئیدیم، ذیروه لرینده آخئیدیم و سن اتگیوی منیم قدم لریمین آلتیندا سره یدین. کاش من سنین دؤشوندن آخان بولاق اولئیدیم، جوشئیدیم و سن منیمه گویره نتی لرین، منیمله سوسوز قوزولارین، منیمله، سنین رؤیالریندن دؤرولموش سوکوزه لرینی دولدوروب –ائولرینه آبادان قیزلارین زمزمه لرینه، قولاق وئرییدن. او ائولرکی بوتون ینجره لری گؤنشه ساری آچیلیر و سن بیلیرسن کی گونش همیشه بوائولرین قاپیلاری دالیسندا منتظردی قیزیل شعاعلاری نین بارماقلاری ایه بوقاپیلاری دویور و هر سحر بوتون ائولر، بوسس ایله اویانیر. حتی لاب اوزاق قارتوتان قایالاریندان باشلانان «اوجان» داگونش سمتیندن آخیر! بیردن بیره گونش قلبیندن سنین دؤشووه ساچیلان آلاوکیمی. آی نه اوزون اوزون ایل لر کی آغیرقارلار سنی آغ حریره بؤرویوب، یئل لر سنی تومارلییب ایلدیریملار قولاغیندا گرولدویوب، باغریندان سئله لر جوشوب، سینه وی خیرماخلیا خیرماخلیا آخیب –گئدیب! نه اوزون اوزون ایللر کی «اوجان» آخیب –سیلدیریم قایالاریون ایچیندن اوزونه یوللار آچیب دی.

و سن! شاعیرین شعری اولدوز لاری باشینا سپه لنه نده بیر عالم سنین گؤروشونه گلیر! سنی تاماشا ائله ماق اوچون بیر دنیا شاغیرین شعری پنجره سینی آچیر و سنه شاعیرین ایسته ینی کیمین باخیر! شاعیرین شعری پنجره سیندن سنه باخاندا سن تکجه بیرداغ دگیل سن! سن دنیاسینی سنین اتک لرینده تاپان شاعیرین آرزولاری ذیروه سینده سن. او شاعرکی (جاک داغی) نین اوجوندان دنیاسینا باخیر: ائله بیر دنیاکی اونداگوللره سولماق یوخ! او دنیاکی گؤموش کیمی پارلیاق گؤللرین گؤیونده دریا پری لری و قولار اوچوشماقددادی لار. کی هر بیر بالیق، پارلایق بیر اولدوزدی او دنیا دریاچالاری نین درین لیغیندا. او دنیا کی اوندا بهشت حوری لری «جام ظهوری» الینده یوللاری گؤزله ماقدادیلار.

شهریارین غزلینه قولاق وئراق:

اوردا قاردا یاغار، آمماداها گوللر شولا بیلمز

بو طبیعتی، او طراوتده محال دیر اولا بیلمز

عمر پیمانه سی اوردا دولابیلمز

او افقلرده، باخارسان نه دنزلیر، نه بوغازلار

نه پریلر کیمی قولار قونوب، اوچماقدا نه قازلار

گؤلده چیمکده نه قیزی

بالیق اولدوز کیمی گؤللرده رونیزلرده پاریله لر

ئبل کوشولدار، سوشاریلدار

آبشار مرواری سین سئل کیمی توکدوکده خاریلدار

قسرلر واردی قیزیلدان، قالالار واردی عقیق دن

رافائیل تابلو سوتک، صحنه لری عهد عتیق دن

دیماسان کوهنه دفیق دن

جنتن باغلاری تک، باغلاری نین حور و قصوری

دوزولوب غرفه ده، بالقوندا چواهر کیمی حوری

الده حوری لری نین جام جوری

تونگوتون گؤل کیمی «صهبای طهوری»

نه ماراقلارکی، آییق گؤزلره رؤیادی دئیرسن

نه شافاقلار کی در تن باخمادا دریادی ئیرسن

اویدوران جنت ماوادی ئدیرسن

اوردا شعرین، موزیکین منبعی سرچشمه دی قانیار

نه پریلر کیمی فواره دن افشان اولوب اوینار

شاعر آنجاق اونو آنلار!

 

ادامه دارد......