پنج شنبه, 09 آذر 1391 ساعت 03:30
گوللر آچار
بو ایل محرم آیی امام حسین (علیه السلامین) عزا مجلسی سفیرلیگین مسجدینده داها آرتیق عضمت ایله کئچریلدی. هله ایرانلیلارا علاوه افغانستان، تاجیکستان و پاکستان مسلمانلاری خصوصیله شیعه لری بوعزادارلیقلاردا اشتراک ائتدیلر. محرم آیی نین دوردونجی گئجه سیندن امامین شهادتی نین اوچونه قدر بیر بویوک عالیم و گؤرکملی محقق هر گئجه سخنرانلیق ائدیپ و کربلا حادثه سینین فاجعه لی واقعه لریندن و امام حسین (علیه السلامین) و کربلا شهیدلری نین مصیبتیندن دانیشیپ جماعتی فیضه یئتیردیلر.
بوگؤرکملی عالیم و شاعر آیت الله محمدعلی خسروی دی. آیت الله محمدعلی خسروی کی گئچه جاقدا آذربایجان غربی نین «تکاب» شهری نین حؤرمتلی جماعتی نین مجلس شورای اسلامی ده نماینده سی اولوپ و اوندان صونرا چوخلی اجتماعی و سیاسی مسئولیتلرده اوجمله دن اوقاف سازمانی نین مختلف ساحه لرینده آغیر وظیفه لر داشییپ، ایندی ایسه «امام خمینی نین اثرلری نین تنظیم و نشر ائمه مؤسسه سی نین» پژوهشی معاونی دی. آیت الله خسروی همیده گؤزل شعر طبعینه مالک دی.
بوگؤرکملی انسان کی شعرده «ندا» تخلص ائدیر بیرگون بیزیم تاجیکستاندا دوشنبه ده کی ائویمیزده قوناق اولدی. آیری هدیه لره علاوه اؤز شعرلریندن بیرتؤرکی و بیر فارسی غزل کی گؤزل شکیلده «کتابخانۀ آیت الله خسروی» تکاب طرفیندن نشر اؤلوپ منه اتحاف ائله دی.
گوللر آچدی آیت الله خسروی نین امام زمان آقایه یازدیقی غزلین عنوانیدی کی آنادیلیمده سیز سایتین عزیز گؤرنلرینه هدیه اولونور
متن غزل گوللر آچدی
ای کاش گؤزل مسافریمیز بیر سحر چاتا سیماسی آی صفاسینی دیلدن دیله آتا
گویا ئو گول جمالی گنه آیدا گؤر سدوب خلقین فغانی بو گئجه قویمور گؤزوم یاتا
آیا اولار کی منده باخام سیزباخان آیا تا وصله یول تاپانلارینا بیر قالان چاتا
گوللر آچارباخاندا گولوستانه گون کیمی بیرده او زلفی چکمه یوزه قویما گون باتا
سن تک فرشته سیرتی دنیایه ساتمارام مندن اگرچه گونده بیرایستکلی باش قاتا
وار گؤزلرینده سؤمه لی گیزلین باخیش بیزه یارب یتیرمه بیرگونی گؤزدن بیزی آتا
عشقینده خالص اولمیانین قلبی تیره دیر یانماز ائوین چراغی اگر نفته سو قاتا
هر نغمه نین نواسینه بیر نغمه سس ویرر آسان دگل بو مطلبه هر تار چالان چاتا
مغبوندی آل ویرینده «ندا» هر کیم عشقده دیدار یار لحظه سینی عمرینه ساتا
آیت الله خسرو «ندا» تخلصی باره سینده دئییر:
من بعضی وقتلر شعر دئیه ردیم و شعرده «خسروی» تخلص ائله ردیم اما 1386نجی ایلده اؤرگه یاتان و شوریارالدان «شعبانیه مناجاتین» اوخوینده بو جمله نین لطافتی منی دوتدی
«الهی انظر اِلیّ نظر من نادینه باجابک» «بارالها منه ائله یخی نظر ائله کی بیرآدامی چاغیردیقین زمان سنه جواب وئرنده اونا باخارسان»
اوگوندن تبله او ایشیقلی لحظه لرین یادی ایله «ندا» تخلص ائله دیم آیت الله خسروی جنابلارنیا اللهدان داها آرتیق توفیق مسئلت ائدیرم.
منتشرشده در
آنادیلیمده
آخرین‌ها از Super User
- درگذشت احياگر موسيقي «فلك» ، صفحه اول روزنامه اعتماد 1402/12/2
- بعثت شادابي حيات - صفحه اول روزنامه اعتماد 1402/11/18
- حضور در تئاتر لیلی و مجنون در تالار وحدت ؛ نمایشی از یعقوب صدیق جمالی
- عکس خوانی دکتر شعردوست (دیپلمات سابق و پژوهشگر آسیای میانه و قفقاز)
- بزرگداشت هشتادوچهارمین سالگرد تولد استاد ساوالان
