هم نوا در نینوا،هم صدا با کربلا همراه با مرثیه سرایان و مداحان ترک زبان ( دلسروده ی استاد شهریار)

محرم دیر خانم زینب عزاسی بیزی سسلیر حسینین کربلاسی

یولی باغلی قالیب دوشمن الینده داها زوّاری نین یوخ سَس صداسی

بو گون کرب و بلا ویران اولوبدی حسین اوز قانی نه غلطان اولوبدی

چاغیر شاه نجف گئلسین هرایه جهادیله آچاخ یول کربلایه

علی نین ذوالفقاری داده چاتسین حسین قوربان لاری گئلسین منایه

بو گون کرب و بلا ویران اولوبدی حسین اوز قانی نه غلطان اولوبدی

جهاد میدانی دیر ملّت دایان سین مسلمان خواب غفلت دن اویان سین

اوجال سین نعره ی اللهُ اکبر گَرک کافر جهنم ایچده یان سین

بو گون کرب و بلا ویران اولوبدی حسین اوز قانی نه غلطان اولوبدی

گئلیب غیرت گونی ، همت زمانی اوجالداق باشدان آذربایجانی

گئداق صدام کافرله جهاده ییخاخ بو بی مروت امریکانی

بو گون کرب و بلا ویران اولوبدی حسین اوز قانی نه غلطان اولوبدی

حسین زوّاری نین قورتاردی صبری قیراق بو قوتلاری، کافتاری، ببری

آچاق یول کربلایه، کاظمینه چَکاخ آغوشه او شش گوشه قبری

بو گون کرب و بلا ویران اولوبدی حسین اوز قانی نه غلطان اولوبدی

گرک دین اولماسا، دونیانی آتماخ شرف عزت لی بیر دونیا یاراتماخ

سعادت دیر حسین قوربان لاری تک شهادت له لقاء اللهَ چاتماخ

بو گون کرب و بلا ویران اولوبدی حسین اوز قانی نه غلطان اولوبدی

مسلمان صف چکیب دعوایه گلسین چاغیر عباسی تاسوعایه گلسین

قیزی زینب أوزی صاحب عزادیر چاغیر زهرانی عاشورایه گلسین

بوگون کرب بلا ویران اولوب دیر حسین أوز قانینا غلطان اولوب دیر

آنا ! اوغلون شهید اولدی مبارک شهادتله سعید اولدی، مبارک

امید جنتین تاپدین، دا سندن جهنم ناامید اولدی، مبارک

بئله طوی کیم گؤروب دنیاده قاسم طویی یاسه دؤنن شهزاده قاسم

آتا! اوغلون علی اکبر فداسی طویی قاسم کیمی اولموش عزاسی

دوروب جنت قاپوسیندا گؤزتلیر که گلسینلر آناسی له، آتاسی

بئله طوی کیم گؤروب دنیاده قاسم طویی یاسه دؤنن شهزاده قاسم